Ginakahangawa sang secretary general sang Alliance of Concerned Teachers – Bacolod City – Negros Occidental chapter ang pag-invest sang Government Service Insurance System (GSIS) sa mga pribado nga kompanya.
Mahibaluan nga gin-call out sang Commission on Audit (COA) ang GSIS sa pag-invest sini sang P2.3 billion sa tatlo ka mga kompanya.
Sa interview sang Bombo Radyo Bacolod kay Grace Abellar, madamo sang mga manunudlo nga nagatrabaho sang husto apang kun kaisa gamay lang ang mabaton nga sweldo bangod dako ang nagakadto sa GSIS.
Suno diri, kun mag-loan naman ang mga manunudlo sa GSIS, dako man ang interest kag penalty kun sa diin iban sa mga interest ang sukton na sang GSIS sa katapusan kun magkuha na sang retirement benefits ang manunudlo.
Nagapanawagan si Abellar nga maimbestigaran ang lakat sang GSIS sa ginakahangawa nga magkaproblema sa ila nga retirement benefits bangod wala sang kasiguradohan ang pag-invest sang GSIS sa mga pribado nga kompanya.
