Ginalauman ni General Alliance of Workers Association Secretary General Wenie Sancho nga mahatagan sang husto nga training program ang mga job seekers kun matuman ang pila ka pledges nga nakuha ni President Ferdinand Marcos Jr gikan sa lakat sini abroad.
Suno kay Wennie Sancho, sa pila ka byahe sang presidente pa-abroad nakakuha ini sang mga pledges nga nagabalor sang milyones kag bilyones ka pesos, kag kun ini ang matuman, ginaduso ni Sancho nga maadjust ang educational system para ma-akomodar kun ano ang trabaho nga ginakinahanglan.
Suno diri, kun mahibaluan kun ano nga klase sang trabaho ang igahatag, kag kun ano nga klase sang teknolohiya ang yara, mas mahatagan sang husto nga training program ang mga job seekers, estudyante kag mga trabahante.
Apang, ginalataw man sini nga dako ang halit sang inflation sa pagtrabaho, nga kun mahimo pa gid nga magsaka ini, posible naman nga madamo sang idismiss nga mga empleyado.
Gani nagpanugyan si Sancho nga ini ang isa ka pagpukaw sa gobyerno nga hatagan sang pagtamod ang trabahante sa Pilipinas.
