Gilayon nga ginkasuhan ang security guard nga ginaalegar naghimulos sa 19-anyos nga dalaga sa Barangay Villamonte, ciudad sang Bacolod tinalikdan nga adlaw.
Suno kay Police Lt. Arlyn Torrendon, pinuno sang Women and Children’s Protection Desk sang Bacolod City Police Office, kilalahay man ang security guard kag ang tagreklamo bangud atubangay lang ang ila nga boarding house.
Ginaalegar nga may ginkadtuan ang duha, sakay sa motorsiklo sang gwardiya kag sang papauli na, naghapit ang mga ini sa boarding house sang lalaki kag diri na ginhimo sang suspetsado ang pagpangmolestya.
Gilayon nga nagreklamo ang biktima gani nadakpan ang suspetsado.
Suno kay Torrendon, napaidalom sa inquest proceedings ang suspetsado sa kaso nga rape antes naglapse ang reglementary period of detention gani priso ini subong sa Bacolod Police Station 4.
