Natigayon nga maluwas ang isa ka 44-anyos nga security guard matapos ma-trap sang walo ka adlaw sa idalom sang natiphag nga establisyemento tuga sang sunod-sunod nga linog sang Hunyo 24 sa Venezuela.
Ginkilala ang survivor nga si Hernan Gil, nga nakit-an sang mga rescuer sa idalom sang natiphag nga struktura nga ginabanta 140 ka tonelada ang kabug-aton.
Masobra 70 ka oras antes madinalag-on nga naluwas si Gil sa koordinasyon sang Venezuela rescue team kag sang rescuers naggikan sa nagkalain-lain nga pungsod.
Suno sa mga rescuer, nakaangkon lamang si Gil sang minor injuries matapos ini maproteksyunan sang isa ka gamay nga konkreto nga booth.
Samtang ginapatigayon ang rescue operation, ginhatagan si Gil sang tubig, iban pa nga hydration drinks, intravenous (IV) fluids, facemask, kag goggles.
Samtang, nagdangat na sa 2,595 ang kumpirmado nga nautas ang kabuhi sa linog, samtang linibo pa ang missing, santo sa mga otoridad.
