Patay ang isa ka security guard matapos ginluthang sang riding in tandem suspects sa Prk Manga, Brgy Palinpinon, Valencia, Negros Oriental kahapon alas-8:00 sang aga.
Ang biktima ang natumod nga isa ka 28 anyos nga lalaki nga security guard sa idalom sang isa ka private security agency, kag residente sang Dumaguete City.
Sa inisyal nga imbestigasyon sang Valencia Municipal Police Station, ang biktima ang sakay sa iya motorsiklo kasubong man ang mga suspect, ang parehas nga nagabyahe sa east to west direction.
Tubtob sa ginluthang sang backrider ang security guard, kag sila ang gilayon nga nalagyo pabalik sa nasidlangan nga dereksyon.
Gindala pa ang biktima sa Valencia Rural Health Unit apang gindeklarar nga dead on arrival.
Ang mga suspect ang natumod nga sakay sa puti nga Duke motorcycle, kun sa diin ang driver ang nakasuksok sang gray nga jacket samtang ang backrider ang nakasuksok naman sang orange nga tshirt.
Sa karun ginatsekyar naman ang mga CCTV footages sang mga establishimento sa palibot kun may makuha nga makabulig sa pagtumod sa mga suspects.
Isa sa ginalantaw nga motibo amo ang dumot, apang padayun pa ang ila nga imbestigasyon agud matumod kag mapasabat sa layi ang mga may kahimuan sa krimen.
