Wala pa nahuman sang Bacolod City Police Office ang security plan para sa lights on ceremony nga patigayunon sa Bacolod City Government Center Grounds bwas sa gab-i apang may yara sila sang ginadihon nga mga proposals agud nga masiguro ang seguridad sang mga pumuluyo nga magalantaw sang nasambit nga aktibidad.
Sa interview sang Bombo Radyo Bacolod kay Police Lt. Col. Ronnie Brillo, pinuno sang Bacolod City Mobile Force Company, ginalauman ang pagdagsa sang mga tumalan-aw sa lights on ceremony apang wala pa nahuman ang security plan gani naghatag ini sang mga suggestions.
Pila sa mga suggestions sini ang pagbutang sang screening area sa lugar kag tatlo ka entrance kag exits kun sa diin butangan sang screening personnel ang kada entrance.
Suno diri, may yara man dapat sang mga police nga magpatigayon sang foot patrol kag may yara man sang mga kapulisan nga magaroving sakay sa mobile patrols.
Ginpahayag man ni Brillo nga may yara man nga ibutang nga police assistance desk sa lugar.
Kabahin man sa magabantay sa pagpasiguro sa seguridad sang mga magasaksi sang lights on ang mga katapo sang Bureau of Fire Protection.
Panugyan ni Brillo sa mga pumuluyo nga sundon ang tanan nga patakaran nga ginapatuman sang mga otoridad para sa seguridad sang tanan.
Ginalauman nga magadangat sa 10 mil ang mga tawo nga magasaksi sa lights on activity sa Bacolod City Government Center Grounds.
