Preparado na ang Barangay Handumanan sa pagsiguro sang seguridad sa mga magabisita sa Handumanan Public Cemetery subong nga Nobyembre 1.
Sa interview sang Bombo Radyo Bacolod kay Punong Barangay Febe Legaspi, naka-coordinate na sila kay Bacolod City Mayor Greg Gasataya sa deployment sang traffic enforcers agud nga mag-manage sang trapiko sa patyo.
Suno kay Legaspi nakacoordinate man sila sa mga General Services Offices kag regular nga nagaopisina sa Handumanan Public Cemetery agud nga indi mabudlayan ang mga nagabisita sa ila nga minatay.
Nagapanawagan man ang Punong Barangay sa mga magabisita sa mga minatay nga likawan ang pagdala sang ilimnon kag mga ginagamit sa illegal nga sugal ukon pagpanahor.
Dugang pa sini nga dapat magkooperar ang tanan agud nga mangin malinong kag matawhay ang pag-obserbar sang fiesta minatay subong nga tuig.
