Disiplina kag time management ang nangin sekreto sang nag-rank 7 sa 2024 Chemical engineers Licensure Examination.
Sa interview sang Bombo Radyo kay Althea May Bayer Benjamin nga naggradwar sa Colegio San Augustine- Bacolod, humalin sang elementarya ini, nangin paborito sini nga subject ang science kag tubtob nga nag high school ini, mas naglapad pa gid ang pag-intindi niya sa science.
Samtang, aminado naman ini nga nadulaan ini sang pagsalig nga makapasa sa licensure examination bangod sa kabudlayan sang exam apang, dako ang kakibot sini nga siya ang nakapasa kag nakasulod sa top 10.
Samtang, sa pagreview naman gintutok sini ang iya kaugalingon sa pagtuon kag nagpalayo sa mga distractions.
Dugang pa sini, disiplina kag time management ang iya sekreto kasubong man nga nagtalana ini sang study habits.
Apang, nagpanugyan naman ini sa mga may luyag man magkuha sang Chemical engineering nga kurso nga apisar mabudlay masarangan ini basta magtuon lang sang husto.
