Nangin matawhay ang pagsaulog sang Al Cinco de Noviembre sa ciudad sang Silay, Negros Occidental.
Sa interview sang Bombo Radyo Bacolod kay Police Major Sara Villanueva, Deputy Chief of Police sang Silay City Police Station, wala sang narecord nga insidente ang mga kapulisan sa ciudad kadungan sang pagpatigayon sang mga programa kag aktibidad nga may kaangtanan sa selebrasyon sang Al Cinco de Noviembre.
Suno kay Villanueva, ginatutukan sini ang deployment sang mga kapulisan sa mga strategic areas kun sa diin nagalagaw ang local festival goers.
Suno diri, may yara sila sang gindeploy nga mga personnel sa plaza kag sa balay Negrense.
May yara man sang mga visible police patrols nga nagaroving sa ciudad.
Gindoble man sang mga ini ang deployment sang mga traffic enforcers bangud may yara sang nagluntad nga magamay nga paggutok sang trapiko bangud man sa mga bisita samtang safe kag manageable man ang sitwasyon.
May kapin isa ka libo nga mga local festival goers ang nagbisita sa ciudad.
Ginpasiguro man sini sa tanan nga mga nagabisita sa ciudad nga safe kag secured ang mga ini.
