Nagpatigayon sang seremonya ang Negros Occidental Provincial Capitol sa pagselebrar sang ika 126th Al Cinco de Noviembre.
Ginpangunahan ni Governor Eugenio Jose ‘Bong’ Lacson ang seremonya kaupod ang Negros Occidental Police Provincial Office (NOCPPO), Bureau of Fire Protection (BFP), Bureau of Jail Management and Penology (BJMP), Philippine Red Cross Negros Occidental – Bacolod City chapter, Boy Scouts of the Philippines, mga manunudlo, kag iban pa nga mga opisyales sang gobyerno.
Kaina sang aga, ginhatagan sang award ang top 10 outstanding taxpayers sa probinsya.
Sa mensahe sang gobernador, kabigon ang selebrasyon subong nga adlaw ang magapadumdum sa mga Negrosanon sang mga baganihan sang Negros.
Suno diri, magapadayon ang probinsya sa pagtinguha apisar sa mga pagpanghangkat nga maga-abot.
