Nangin generally peaceful ang selebrasyon sang Panaad sa Negros Festival 2023 humalin sang Lunes tubtob kahapon.
Sa interview sang Bombo Radyo kay Police Captain Edward Bolivar, commander sang Bacolod Police Station 7, lima lamang ka blotter report ang narekord sang kapulisan, nga ginalakipan sang away gikan sa mga indibidwal nga yara sa impluwensya sang makahulubog nga ilimnon, kinawatay kag mga kabataan nga nagtalang apang nabalik man sa ila mga ginkanan.
Suno diri, walo ka personnel sang regional mobile battalion ang ginpadala ni Bacolod City Police Office Director Police Col. Noel Aliño, agud mahatagan sang husto nga segirudad ang mga pumuluyo kag malikawan ang mga insidente.
Mensahe sini sa mga magatambong sa festival nga halungan ang personal nga mga gamit kag bantayan ang mga kabataan.
Nagpasalig man ini nga yara ang Traffic Enforcement Unit, Mobile Patrol Group kag Bacolod Police Station 7 nga magaperform sang ila nga duty para mapabilin nga matawhay ang selebrasyon sang Panaad sa Negros Festival 2023.
