Engaged na ang couple nga sanday Selena Gomez kag music producer Benny Blanco.
Gin-anunsyar sang singer kag actress ang engagement nila paagi sa pagpost sa social media sang engagement ring nga may caption nga ‘Forever begins now’.
Ang couple ang una nga nag-upod sa pagtrabaho sa track ni Selena nga “Single Soon” kag “I Can’t Get Enough”.
Sang Disyembre 2023, ginkumpirmar ni Selena sa social media nga on dating stage sila ni Benny sa sulod sang anum ka bulan na.
Sadto naghambal pa si Selena nga plano sini nga mag-adopt sang bata kag mangin single mom antes pa sini nakilala si Benny.
Suno kay Selena, isa sa butang nga nanamian sini kay Benny amo ang pagka-isog sini bisan ano man ang ginahambal sang tawo.
Dugang pa sini, wala niya nahibaluan kun ano ang mangin future nila nga duha apang nakahibalo ini nga yara lang si Benny nga kanupod niya.
