Gin-extend ang pagpatigayon sang seminar sa mga electoral board nga mga manunudlo nga magaserbe sa mga Persons Deprived of Liberty (PDL) sa pagboto sa Barangay and Sangguniang Kabataan Elections 2023.
Sa interview sang Bombo Radyo kay Bacolod City Election Officer Atty. Katrina Trinio-Cana, 14 ka mga manunudlo ang ginseminar para sa pagserbe sa PDL sa adlaw sang eleksyon.
Siyam diri ang mga manunudlo nga gin-seminar para sa Bureau of Jail Management and Penology, Barangay Handumanan kag lima naman para sa Barangay Singcang-Airport sa ciudad sang Bacolod.
Oktubre 30, adlaw sang pagbotohay kun sa diin maga-umpisa ini alas 7:00 sang aga kag magatakop alas 3:00 sang hapon, samtang sa mga PDL naman, alas 7:00 sang aga maga-umpisa ang botohay kag ini magatakop alas 2:00 sang hapon.
Pagkatapos magboto sang mga PDL ang mga manunudlo magabalik sa na-assign sa ila nga precincts dala ang mga ballot boxes.
Samtang, suno kay Cana, magapatigayon sila sang pagbaklas sa mga campaign poster nga natapik sa wala na aprubar nga posting area.
