Ginmanduan ni Ombudsman Jesus Crispin Remulla sanday Senators Alan Peter Cayetano kag Robin Padilla, kasubong man si ex-Senate Sgt. at Arms Mao Aplasca, nga sabton ang obstruction of justice complaint batok sa ila angot sa May 13 shooting incident sa Senado.
Ang nasambit nga insidente sang pagpangluthang ang ginsundan sang pagpalagyo ni Senator Ronald dela Rosa sa tunga sang pending warrant sang International Criminal Court (ICC) sa gina-alegar crimes against humanity may kaangtanan sa war on drugs sa iya termino bilang Philippine National Police chief.
Ang reklamo ang ginpasaka sang Tindig Pilipinas co-convenor nga si Francis Aquino Dee kag mga kaalyado nga grupo, lakip ang Baigani Feminist Collective, Magdalo Party, Student Council Alliance of the Philippines, Youth Resist, kag iban pa.
Ginapangabay sang Ombudsman nga sila ang magsumiter sang counter-affidavits sa sulod sang 15 ka adlaw.
