Ginkumpirmar ni Department of the Interior and Local Government (DILG) Secretary Jonvic Remulla nga safe si Senator Ronald “Bato” dela Rosa kag may kaupod nga security personnel kasunod sang tensiyon kag lockdown sa building sang Senado.
Sa iya pag-atubang sa mga katapo sang Senado, ginpahayag sang tiglikom nga ginpahibalo nila kay dela Rosa nga yara sila sa Senado para i-secure ang integridad sini kag proteksiyunan ang tanan nga mga senador nga yara pa sa sulod.
Ginpasiguro man ni Remulla nga indi niya arestuhon si dela Rosa.
Ini matapos mabatian ang pila ka mga linupok kagab-i sa sulod sang Senado, samtang naka-lockdown ini.
Suno kay Remulla, ginaimbestigaran na ang natabo nga insidente kag kun sin-o ang responsable sa likod sang serye sang pagpalupok sang armas.
Ginkumpirmar man sini nga wala sang casualties.
Natabo ang tensyon sa Senado matapos nga wala nagpagwa sang Temporary restraining order (TRO) ang Korte Supreme, nga ginahingyo ni dela Rosa sa arrest warrant naggikan sa International Criminal Court (ICC).
Sa karon, nagapabilin sa sulod sang Senado si Sen. Dela Rosa samtang ginapatigayon ang imbestigasyon sa nagluntad nga insidente.
