-- ADVERTISEMENT --
Ginklaro ni Sen. Erwin Tulfo nga wala sang natalana nga hearing sa Senate Blue Ribbon Committee subong nga adlaw, Hunyo 16, 2026, baliskad sa pahayag ni former Congressman Mike Defensor.
Suno kay Tulfo, indi otorisado kag wala sang pahanugot sang komitiba ang anunsyo ni Defensor natuhoy sa hearing, gani ginakabig ini nga sala nga impormasyon.
Ginpaathag man sang senador na ang anuman nga hearing sa Senado ang kinahanglan magsunod sa mga proseso, kalakip ang pagpagwa sang pormal nga abiso kag agenda tatlo ka adlaw antes ini ipatigayunon.
Dugang pa, wala sang legal nga gahum si Defensor agud mag-anunsyo sang hearing sa pangalan sang Senado bangud indi man ini miyembro sang Senado ukon sang Blue Ribbon Committee.
