Ginpahayag sang actress nga si Mariel Padilla nga wala pa natapos ang iya bana nga si Senator Robin Padilla sa pagserbisyo sa publiko sa pihak sang nauna nila nga pahayag nga indi na magapapili ang iya bana sa 2028 elections kag magahalin na sa pulitika.
Sa podcast ni Senator Imee Marcos sang May 16, ginpahayag ni Mariel nga wala pa natapos si Robin sa iya adbokasiya nga magbulig sa mga tawo kag luyag pa niya ipadayon ini sa pagtrabaho sa gobyerno.
Suno sa actress, may mga tion nga nagapaminsar siya nga tapuson na lang ang termino sang iya bana bilang senador kag kun may mga nagahambal nga wala sa konteksto, pamtayagan niya indi deserve sang mga tawo si Robin.
Ginklaro naman ni Mariel nga ang ginatumod niya amo ang mga tawo nga nagahambal sang negatibo batok kay Robin bilang senador.
