Nagpaandam ang isa ka legal expert nga mahimo manabat si Senator Robin Padilla angot sa ginaalegar pagbulig kay Senator Bato Dela Rosa agud makagwa sa Senado samtang nagapangatubang sang arrest warrant naggikan sa International Criminal Court (ICC).
Suno kay Padilla, handa ini nga magpaidalom sa imbestigasyon matapos nakumpirmar nga kaupod siya ni dela Rosa sang nagbiya ini sa senate premises.
Suno sa senador, nagahulat lamang sila sang warrant naggikan sa lokal nga korte antes magsunod sa pag-aresto.
Samtang ginpahayag ni ML Partylist Rep. Leila de Lima nga posible mangatubang si Padilla sang kaso nga obstruction of justice kag harboring a fugitive.
Sa idalom sang Presidential Decree 1829, mahimo mapriso sang tubtob anum ka tuig ang sin-o man nga magbulig sa pagpanago ukon pagpalagyo sang isa ka indibidwal nga may ginapangatubang nga kaso.
