Gin-ako ni Senator Robinhood Padilla nga ginsakay lamang niya si Senator Ronald “Bato” dela Rosa sa iya salakyan paggwa sa Senado kag gin-drop sa bahin sang Makati City, apang wala ini sang ihibalo kun diin nagpadulong ang Senador.
Ini kasunod sang akusasyon nga ginaalegar ginbuligan ni Padilla si dela Rosa nga makapalagyo.
Suno diri, ginpahibalo niya si dela Rosa nga kinahanglan na magpauli ni Padilla sa ila balay bangud ginapangita na ini sang iya asawa, anum ka oras ang nakaligad matapos ang insidente sang pagpangluthang sa Senado sang Mayo 13.
Paathag pa ni Padilla, indi niya mabalibaran ang senador bangud wala ini sang salakyan kag nag-upod lamang ini sa salakyan ni Senate President Alan Peter Cayetano pakadto sa Senado.
Ginkumpirmar man ni DILG Secretary Jonvic Remulla nga nakita nga nagpadulong ang salakyan ni Padilla sa Makati City sadto nga tion.
