Hugot nga pag-monitor ang ginapatigayon sang Senado sa PAX Silica initiative agud masiguro nga mapuslan sang pungsod ang potensyal sini nga kontribusyon sa ekonomiya nga wala ginasakripisyo ang palibot, soberanya, kag ang mga kinamatarong sang lokal nga mga komunidad.
Suno kay Senate President Win Gatchalian, importante ang oversight sang Senado agud matumod kag atubangon ang posible nga mga risgo kag mga reklamo nga may kaangtanan sa inisyatibo.
Ginpahayag sini nga dapat masiguro ang long term nga benepisyo sang PAX Silica sa ekonomiya sang Pilipinas.
Suno diri, dako ang potensyal sang inisyatibo nga magdala sang high-value technology sector sa Pilipinas, kalakip ang ginabanta 200,000 direkta nga trabaho kag tubtob 800,000 nga trabaho sa tion sang konstruksyon.
Nagpasalig si Gatchalian nga magapadayon ang pagbantay sang Senado sa PAX Silica initiative agud siguruhon nga indi ini magdala sang kahalitan sa pungsod.
