Ginpamatukan sang Senado ang hingyo sang Office of the Vice President nga pondohan ang pagkaon kag catering expenses sang defense team ni Vice President Sara Duterte sa iya nga impeachment trial.
Suno kay Senate President Win Gatchalian, ginatun-an pa sa karon ang request apang limitado lamang ang pondo sang Senado dugang pa sang galastuhan sa renta sa Philippine International Convention Center (PICC) para sa budget hearings.
Nagpamatok naman ang pila ka mga senador kag nagpahayag nga wala sang natalana nga budget kag mahimo ma-flag sang Commission on Audit (COA).
Madumduman nga naghingyo ang OVP nga sabton sang Senado ang catering para sa mga abogado, staff, kag mga testigo sang bise presidente samtang nagapadayon ang trial, apang luyag sini nga maghalin ang pagkaon sa accredited caterer sang OVP para sa seguridad.
Suno sa Senado, ang prosecution kag defense panels ang kalabanan nagagasto para sa ila kaugalingon.
Ginalauman nga magpadayon pa ang impeachment trial tubtob Nobyembre.
