Ginfile ni Senator Raffy Tulfo ang isa ka Senate Resolution nga may tinutuyo nga imbestigahan ang pagdamo sang mga Chinese national sa Multinational village sa Parañaque City.
Sa ginfile nga Senate Resolution (SR) No. 1043, ginpahayag sang Senador nga padayon nga ginareklamo sang mga residente kag may tag-iya sang balay sa Multinational village ang pagdamo sang mga Chinese sa ila nga komunidad humalin pa sadtong 2019 sang mag-umpisa nga magsaylo sa ila nga village ang mga Chinese worker nga nagatrabaho sa POGOs.
Suno man sa Senado, kaangay nga Chinese territory ang ila subdivision.
Nagaduda man ang mga residente nga mahimo may mga POGO sang nag-ooperate sa sulod sang ila nga village.
Ginpangayo naman sang mga Senador sa Presidential Anti-Organized Crime Task Force, National Bureau of Investigation kag Bureau of Immigration nga imbestigahan ang estado kag mga aktibidad sang Chinese nationals sa Multinational Village.
Nagpangako naman ang nasambit nga mga ahensiya nga gilayon ini nga himuan sang tikang.
Una diri, sang Mayo 2 lamang naaresto ang isa ka grupo kalakip ang 10 Chinese nationals sa sulod sang isa ka balay sa Multinational village dahil sa paglabag sa Anti-Trafficking in Persons Act, Alien Registration Act at Cybercrime Prevention Act.
