Gin-adoptar na sang Senado ang rules on impeachment sa impeachment case batok kay Vice President Sara Duterte suno sa abugado.
Ini matapos nga pormal na nga nag-convene ang senado bilang impeachment court kahapon.
Sa interview sang Bombo Radyo Bacolod kay human rights lawyer Atty. Cesar Beloria, matapos nga nag-convene, ginpahayag ni Senate President Alan Peter Cayetano nga maga-issue ang senado sang writ of summon batok kay Vice President Sara Duterte kag ginhatagan ini sang 10 calendar days humalin sa pagbaton sang summon agud maghatag sang iya nga sabat angot sa impeachment complaint.
Suno kay Beloria, sa karun, sa idalom sang existing rules, mahimo ini nga iserbe sa opisina lang bangud wala nagakinahanglan sang personal service indi kaangay sang ordinaryo nga pag-apply sang existing rules of court sa procedure ukon criminal procedure nga importante ang personal service antes substituted service.
Suno sa abugado, mahimo subong nga adlaw igaserbe ang summon.
Sa tion nga mahatag na sang Bise Presidente ang iya sabat, ang prosecution ang magahatag man sang ila nga sabat.
Suno kay Beloria kun mabaton na ang last pleading ukon ang responsive pleading, ini na ang tion nga mapagwa na ang Senado sang trial schedule.
Suno sa abugado, ginpahayag Senator Cayetano nga ang trial schedule gindesenyo sa pag-akumodar sang patas para sa parehas nga prosecutor kag respondents, kun sa diin ang public prosecutors amo ang mga congressmen.
Sa karun, balantayan ang mga masunod nga hitabo bangud wala sang mga ‘motion to dismiss’ ukon pagpabalik sa house sang impeachment complaint, bangud nagahalong na ang mga mamalidha.
Ginalantaw man sang abugado nga magluwas nga wala sang choice si Senator Alan Peter Cayetano sa pag-convene bilang impeachment court, confident man sila bangud may yara sila sang numero.
Ang nagakatabo sa karun ang indi lang impeachment kundi ini ang mangin basehan sang palaabuton sang Senado sa 2028 elections.
