Ginkalipay sang Senate Committee on Civil Service, Government Reorganization and Professional Regulation Chairman Senator Ramon “Bong” Revilla Jr ang pagpagwa ni President Ferdinand R. Marcos, Jr. sang Executive Order (EO) nga may tinutuyo nga pasakaan sang sweldo kag benepisyo sang mga nagatrabaho sa gobyerno.
Santo sa EO 64, sakop sang salary adjustment ang tanan nga civilian government personnel sa Executive, Legislative, Judicial Branches, Constitutional Commission at iba pang Constitutional Offices; mga Government-Owned or Controlled Corporations (GOCCs) nga wala malakip sa idalum sang RA 10149 kag EO 150 s. 2021; kag local government units —mangin ano man ang ila nga appointment status bisan regular, contractual ukon casual, appointive ukon elective, kag kun full-time o part-time.
Magluwas sa update salary schedule sang government workforce, magabaton man sila sang tuigan nga Medical Allowance nga nagabalor sang masobra P7,000 umpisa sa Fiscal Year 2025 bilang subsidy para sa ila nga health maintenance organization (HMO)-type benefit.
Ang nasambit nga Executive Order ang ipatuman sa apat ka bahin nga magaumpisa sa Enero 1 2024 para sa una nga bahin, Enero 1,2025 para sa ikaduha kag ikatatlo nga kahigayunan amo sa Enero 1, 2026 samtang ang ikaapat ang sa Enero 1, 2027.
Suno pa kay Revilla, nagakadapat lang nga mahatagan sang salary adjustment ang nagatrabaho sa gobyerno agud pasalamatan kag mahatagan sang importansya ang serbisyo kag sakripisyo sang mga ini sa pungsod.
