Panindugan ni former chief presidential Legal Counsel Atty Salvador Panelo nga bisan ordinaryo nga tax payer, sarang nga makafile sang kaso sa Korte Suprema batok sa mga Senador nga magaboto pabor sa pagbag-o nga threshold for conviction sa impeachment case ni Vice President Sara Duterte.
Sa interview sang Bombo Radyo Bacolod kay Panelo, indi ini kumpormi sa opinyon sang tatlo ka retired Chief Justice kag Associate Justice nga nagserbe nga ‘amici curiae’ ukon friends of court nga nag-atubang sa Senate Impeachment Court.
Panindugan sini nga parehas ang iya opinyon kay former Associate Justice Adolfo Azcuna nga indi pwede bag-uhon ang threshold nga two-thirds sang tanan nga miyembro sang Senado.
Pahanundom niya nga wala namensyonar nga 16-votes lamang ang threshold ukon 24 ang kabug-usan nga member sang Senado, gani depende sa kabug-usan nga kadamuon sang Senador ang basihan sang two-thirds.
Panindugan ni Panelo nga ma-islan lamang ang base line kun mapatay ang Senador, magresign, ukon ma-expell bangod sa ethical reasons.
Pahayag sini nga siya ang nakakadlaw na lamang sa pahayag sang tatlo ka friends of court.
