Padayunon sang Senate Blue Ribbon Committee ang imbestigasyon sa ginaalegar flood control scam sa pagbalik-sesyon sang Kongreso sa Hulyo 27, sa tion nga pormal na nga matukod ang komitiba, suno kay Sen. Erwin Tulfo.
Sa isa ka interview, ginpahayag ni Tulfo nga indi pa mahimo nga magpatigayon sang hearing ang Blue Ribbon bangud kinahanglan anay mag-appoint sang mga miyembro sa una nga adlaw sang sesyon kadungan sang State of the Nation Address (SONA).
Suno sa senador, kalakip sa mga una nga talakayon sang komitiba ang isyu sang flood control projects.
Apang, ginpahayag sini nga dapat may mga bag-o naman nga personalidad nga pangalanan kag indi lamang ang mga daan na nga ginhingadlan sa nauna nga report sang Blue Ribbon Committee.
Suno diri, magapatuman man sang mga bag-o nga pagsulondan sa komitiba, kalakip ang mas hugot nga beripikasyon sang mga affidavit kag pagdumili sa mga “surprise witness” agud mas mangin organisado ang mga hearing.
