Ginpahayag ni Senator Risa Hontiveros nga magapatigayon ang Senate Committee on Women, Children, Family Relations and Gender Equality sang final hearing natuhoy sa imbestigasyon sini kay dismissed Bamban, Tarlac Mayor Alice Guo kag Philippine Offshore Gaming Operators (POGOs).
Apang suno sa iya, ang panel ang magadiskusyon natuhoy sa tanan nga “loose ends” sa hearing sa Martes sang aga, Nobyembre 26.
Suno kay Hontiveros, may yara sang bag-o nga impormasyon nga nabaton ang Senado ilabi na natuhoy sa pag-angkon sang espiya sang China sa Pilipinas paagi sa POGO.
Suno diri, natapos na ang budget deliberations sa Senado kag tion na agud magpatigayon sang final hearing natuhoy kay Guo, POGOs kag illegal nga mga aktibidad nga ginaalegar natabo sa sulod sang mga ini.
Suno kay Hontiveros, nagapati ini nga ang executive order ni President Ferdinand Marcos Jr. nga opisyal nga nagaban sang POGOs ang may yara sang policy gaps.
