Natapos na sang Senate Committee on Women, Children and Gender Equality ang imbestigasyon natuhoy sa ginaalegar pagpang-abuso ni Jesus Christ (KOJC) founder Apollo Quiboloy kag sang iya grupo.
Suno kay panel chair Risa Hontiveros, matapos ang tuman kadamo nga drama, nakaatubang gid man sa Senado si Quiboloy.
Bangud sa pagsugod sang ila imbestigasyon, ang appointed Son of God ang arrested Son of God na.
Sang Miyerkules, gindala si Quiboloy sa Senado nagikan sa PNP Custodial Center sa Camp Crame sa Quezon City agud mag-atubang sa hearing sa labing una nga kahigayunan.
Suno kay Hontiveros, ang resumption sang ila hearing sang Miyerkules ang katapusan na bangud sa sulod sang pito ka bulan, ila lamang ginhulat si Quiboloy nga magtambong.
Suno diri, ini na ang katapusan kag ila na nga gin-adjourn bangud kumpleto na ang cast of characters kahapon.
Sa nasambit nga hearing, ginpanginwala ni Quiboloy ang tanan nga mga akusasyon batok sa iya.
