Gintawag ni Kingdom of Jesus Christ (KOJC) founder Pastor Apollo Quiboloy ang Senate hearing natuhoy sa ginaalegar pagpang-abuso sini nga “unfair.”
Suno kay Quiboloy, wala sang kamatuoran ang mabug-at nga mga alegasyon batok sa iya kag dapat ini nga mapamatud-an sa korte kun sa diin sarang niya nga madepensahan ang iya kaugalingon kag mahibaluan ang kamatuoran.
Dugang pa sini nga ang komitiba sang Senado indi ang committee nga magadesisyon kun siya ang guilty ukon indi kundi ang korte.
Suno diri, indi patas ang nasambit nga komitiba kag wala sang resource person nagikan sa iya kampo kasubong man nga wala naistoryahan ang iban pa nga mga issues.
Ginpaanggid niya ini sa trial by publicity bangud wala sang resource person nagikan sa ila kundi lunsay sa pihak nga kampo.
Suno kay Quiboloy, pagasabton sini ang mga alegasyon batok sa iya sa korte.
Matapos ang masobra lima ka oras, gin-adjourn na ni Senator Risa Hontiveros, Chairperson of the Committee on Women, Children, Family Relations and Gender Equality ang nasambit nga hearing.
Nagpamalibad naman si Quiboloy nga magsabat sa mga pamangkot nga ginahaboy sa iya sa Senado.
