Ginkanselar sang Senate impeachment court ang trial session subong nga adlaw, para sa “strategic procedural pause,” santo sa spokesperson sang tribunal.
Nag-release ang senado sang notice nga nagapahibalo sa publiko nga ang impeachment trial nga natalana para sa Setyembre 30 ang ipatigayunon sa Huwebes, Oktubre 1.
Ginklaro naman ni spokesperson Attorney Regie Tongol nga ang suspension ang indi tuga sang delay.
Suno diri, humalin sang ginbuksan ang Article II sang Setyembre 14, madasig ang pag-abante sang trial kag anum na ka testigo ang napresenta sang prosekusyon sa sulod sang walo ka adlaw.
Suno kay Tongol, ang whole-day trial sa Huwebes ang maga-umpisa alas-10:00 sang aga tubtob alas-6:30 sang gab-i.
Ginpahayag ni Tongol nga ang pause ang makahatag sang pahuway sa duha ka kampo, agud makahanda sa marathon sessions humalin Oktubre 1 tubtob 15, sa diin ang masunod nga ipresenta nga ebidensya amo ang tuman ka teknikal kag bulto nga financial records naggikan sa Anti-Money Laundering Council (AMLC).
