Wala sang permanente nga balor sang pondo ang ginatalana para sa mga senador apang P500 million ang minimum sa kada isa, ini suno sa pahayag ni former Department of Public Works and Highways (DPWH) Secretary Manuel Bonoan.
Samtang, indi naman manaug sa P1 billion para sa Senate President kag mga chairperson sang komitiba.
Suno kay Bonoan, nagdangat sa P13.29 billion ang nagamit sa Senate Leadership Fund sang 2024 kag ginabanta P21 billion naman sang nakaligad nga tuig.
Suno diri, nagpakighinun-anon ini kay anay Senate President Juan Miguel Zubiri sang 2024 kasubong man kay anay Senate President Francis “Chiz” Escudero sang 2025 tuhoy sa pondo.
Suno pa kay Bonoan, may ihibalo man ang economic team sang administrasyon natuhoy sa inisyatiba, nga may internal allocation limit nga P24 billion para sa 2024 budget.
Ginpahayag sang anay tiglikom nga wala nangin epektibo ang Leadership Fund sa pagpugong sa budget insertions.
Suno diri, mas nagdamo pa ang congressional initiatives sa 2024 kag 2025 budgets, gani nagsaka ang DPWH budget bangud sa mga insertions.
