Ginpahayag ni Senator Erwin Tulfo nga iduso sang minority bloc ang mas hugot nga pag-imbestiga sa natabo nga shootout sa sulod sang Senado, indi lamang natuhoy sa mismo nga natabo kundi pati man sa ginaalegar kakulangan sa transparency kag sang mga institusyon.
Suno kay Tulfo, kinahanglan maimbestigaran sang husto ang insidente agud mangin maathag kun ano gid ang natabo ilabi na nga magkatuhay ang bersyon sang hitabo naggikan sa nagkalain-lain nga kampo.
Isa man sa iya paga-usisaon ang pagpamalibad sang Senado nga batunon ang suspensyon kay Senate Sergeant-at-Arms Mao Aplasca kag ang subpoena para sa CCTV footage sang insidente naggikan sa Office of the Ombudsman.
Suno diri, makahuluya kun may subpoena kag imbestigasyon kag indi mag-kooperar ang Senado.
Suno diri, dapat ihatag ang CCTV footage agud mapadayon ang paghulag sang imbestigasyon.
Ginkwestyon man sang senador ang ginaalegar warning shots nga naglab-ot sa 27 ka mga lupok, kag kun ngaa ang mga ebidensya ang lunsay yara lamang sa bahin sang Senado kag wala sang may naggikan sa pihak nga kampo.
Ginsambit man ni Tulfo nga dapat gintugutan ang media nga mag-cover sa insidente agud mas klaro ang mga hitabo.
Sa ulihi, nagpanindugan ang senador nga madamo pa sang pamangkot nga kinahanglan masabat kag dapat magpadayon ang parallel investigation sang Department of Interior ang Local Government kag iban pa nga ahensya.
