Nagpanawagan ang 11 ka miyembro sang Senate minority bloc kay Senate President Alan Peter Cayetano nga magbiya sa pwesto bangud padayon nga nagakapaslawan nga magpatawag sang sesyon sa Senado.
Sa isa ka press conference kahapon, ginpahayag sang minorya nga ginlapas ni Cayetano ang mga patakaran sang Senado sang ginpaiway sini ang sesyon nga wala sang supisyente nga konsultasyon sa mga lider sang mayorya kag minorya.
Ginpanindugan sang grupo nga indi dapat mag-untat ang trabaho sa Senado bangud lamang sa desisyon sang nagapamuno diri.
Samtang, ginpanginwala sang minorya ang alegasyon nga ila ginabalabagan ang imbestigasyon sang Blue Ribbon Committee sa kontrobersiya sang flood control projects, kag ginpahayag nga suportado sila sa ipatigayunon nga trial basta yara sa insakto nga proseso.
