Nagpanawagan si Senate Minority Leader Aquilino “Koko” Pimentel III kay Vice President Sara Duterte nga ifocus ang atensyon sini sa iya main duty bilang ikaduha nga pinakamataas nga government official sang pungsod imbes nga mag-implementar sang mga programa nga wala man nalakip sa iya mandato.
Suno kay Pimentel, dapat maintindihan sang Kongreso kun ano ang role sang Vice President kag hatagan lamang ini sang nagakaigo nga balor sa iya budget agud mafulfill sini ang nasambit nga role.
Suno sa iya, indi katungdanan ni Duterte ang magpanagtag sang school bags kag magpadalagan sang mga bus bangud usik lamang ini sa tiyempo.
Suno diri, ang bise-presidente ang dapat magtuon kag magtambong sa mga briefings agud siya ang mangin preparado nga mangin Presidente sa maskin ano nga tion kag ini lamang ang ila pagabudgetan.
