-- ADVERTISEMENT --
Apisar nga optional lamang, ginpahayag ni Senate Minority Leader Aquilino “Koko” Pimentel III nga ang pagpatigayon sang isa ka parallel Senate investigation sa war on drugs ang isa ka maayo nga ideya agud nga matest ang kredibilidad sang mga witnesses.
Suno kay Pimentel, ini ang optional lamang apang maayo ini nga ideya para sa iya bangud sila ang mahatagan sang oportunidad agud makapamangkot ukon makapatigayon sang cross examination agud matest ang kredibilidad sang mga witness.
Sang Lunes, ginpahayag ni Senator Bong Go, anay aid kag loyal nga kaalyado ni former President Rodrigo Duterte nga nagaplano ini nga magpatigayon sang isa ka parallel Senate investigation natuhoy sa kampanya sang anay administrasyon batok sa illegal nga druga.
