Ginpahayag ni Senator Robin Padilla kahapon nga posible indi na magtambong ang grupo nga minorya sa impeachment trial ni Vice President Sara Duterte kun padayon nga gina-sikway ang layi sa proseso.
Suno diri, wala pa ka-sapol ang minority bloc natuhoy sa pagpaiway sa impeachment trial, apang ginpahayag nga natalana ini nga paga-istoryahan.
Ginpamatukan man sang senador ang ruling sang Senate impeachment court nahanungod sa two-thirds nga voting threshold.
Suno kay Padilla, madamo ini sang ginakahangaw-an sa impeachment proceedings kag suno diri, may lakot pa sang pamulitika.
Nagpanindugan ini nga dapat sundon ang Konstitusyon.
Sang damlag lang, nag-file sang petition sanday Padilla kag Senator Christopher “Bong” Go nga naghingyo sa Korte Suprema nga ideklara nga invalid ang ruling sang impeachment court sa voting threshold.
Samtang, nag-file man sang petition for certiorari and prohibition ang mga senador kag ang Partido Demokratiko Pilipino-Lakas ng Bayan (PDP-Laban), nga nag-request sa Supreme Court nga mag-isyu sang status quo ante order ukon temporary restraining order sa Impeachment court kag sa House of Representatives natuhoy sa two-thirds sang senate members.
