Timprano nga nagtakop ang sesyon sa Senado kahapon matapos mag-walkout ang mga senador sang minorya bilang protesta sa mosyon nga pahanugutan ang remote participation kag electronic voting sa plenaryo.
Bangud sini, nadulaan sang quorum ang Senado gani ginpaiway anay ang sesyon tubtob Hunyo 1.
Nagapamatuk ang minorya sa pamaagi sang pagtalakay sang nasambit nga proposal, nga suno kay Senator Risa Hontiveros, ang mayorya ang nagalapas sa proseso kag pagsulondan sang Senado.
Nangin mainit man ang debate matapos ginkwestyon ni Senator Rodante Marcoleta ang legal nga kinaalam sang mga nagapamatuk sa mosyon.
Samtang, ginkwestyon man ni Senator Erwin Tulfo ang pagpadali-dali sang pag-amyendar sang rules, kadungan sang mga report nga may duha ka senador nga posible mapriso angot sa multibillion peso flood control scam.
