Gin-akusaran ni Senate President Alan Peter Cayetano ang Marcos Administration nga ginaalegar ginapahog ang mga myembro sang Senate majority agud mapilitan nga magsaylo sa minorya kag makatukod sang panibag-o nga liderato.
Santo sa live stream post ni Cayetano kagab-e, Mayo 29, ipagwa sang mga senador ang ebidensya sang ginaalegar pagpamahog agud mapunggan ang pagtukod sang “independent Senate.”
Suno kay Cayetano, may mga alegasyon nga ginapilit ang pila ka mga senador nga magsaylo sang grupo kabaylo sang indi pagpasaka sang kaso, samtang ang mga magpabilin naman sa grupo ang pagapasakaan sang kaso.
Sa tunga sang mga isyu, pila ka mga myembro sang majority bloc ang nagapangatubang sang criminal case kaangay ni Sen. Jinggoy Estrada.
Sunod naman nga pasakaan sang kaso si acting majority leader Sen. Joel Villanueva santo sa Office of the Ombudsman, samtang may ginapangatubang man nga plunder case si Sen. Francis Escudero, kag Rodante Marcoleta.
