Ginpahayag ni Senate President Francis “Chiz” Escudero nga preparado ang Senado nga magserbi bilang isa ka impeachment court in kaso nga malab-ot sa ila ang impeachment complaints batok kay Vice President Sara Duterte.
Apang indi makasabat si Escudero kun may yara pa sila sang tiyempo para diri bangud may yara na lamang sila sang anum ka session days antes ang Christmas break sa Disyembre 18 kag 24 ka session days antes magtakop ang 19th Congress.
Apang gin-athag sini nga pinasahe ang impeachment process bangud sarang pa sila nga makapatigayon sang impeachment proceedings apisar nga yara ang mga ini sang adjournment ukon session break.
Suno kay Escudero, wala sila sang initial preparations bangud yara pa ini sa Kamara kag kinahanglan pa nga magpaidalum sa pila ka mga proseso.
Ginreiterate sini nga ang desisyon nga magpadayon sa proceedings ang magadepende sa gihapon sa will sang majority sang mga miyembro sang Senado nga magapungko bilang senator-judges.
