Nagtake oath si Senate President Francis “Chiz” Escudero bilang presiding officer sang impeachment court sa trial ni Vice President Sara Duterte.
Ini matapos naghimo sang isa ka motion si Senator Joel Villanueva nga magconvene ang impeachment court sa Hunyo 11 kag ang mga senator-judges ang magtake sang ila tagsa-tagsa ka mga oaths subong nga adlaw, Hunyo 10, alas 4:00 sang hapon.
Ini ang natabo matapos pormal nga nagmove ang Senate minority agud buksan ang impeachment trial matapos ang pila ka delays.
Sa isa ka statement matapos ang oathtaking ni Escudero, ginpahayag ni Senator Ronald Dela Rosa nga suportado sini ang Senate President.
Suno diri, suportado sini kun ano ang petsa nga mangin luyag ni Escudero, Hunyo 10 man ukon Hunyo 11 apang indi sini luyag nga maguba ang pungsod kag magpabilin nga united.
Una na nga gin-anunsyar ni Escudero nga ang scheduled presentation sang prosecution panel sa Senado ang matigayon sa Hunyo 11 imbes nga Hunyo 2.
