Para kay Senate President Juan Miguel Zubiri, indi kinahanglan nga maghatag sang fuel subsidy sa mga operators kag drivers bangod ang makabenepisyo sini amo ang mga oil companies.
Suno kay Zubiri, indi makahatag sang fuel subsidy ang gobyerno nga bilyones pesos kag ang maka-income diri amo ang mga oil companies.
Suno diri, mas maayo nga igasto na lang ini sa pag-procure sang battery powered nga mga Public Utility Vehicle, trucks, school bus, kag modernized jeepney.
Nga bisan pa magdalagan sa P200 ang presyo sa kada litrio sang produktong petrolyo, wala sang problema.
Nagpanugyan man ini sa Land Transportation Office kag Department of Transportation sang increase sa voucher sa system agud mahatagan sang discount sa gasolina ang mga sektor nga nagkinahanglan gid sini.
Ang pagsaka sa presyo sang produktong petrolyo ang bangod nga wala na nag-export sang oil products ang India kag Vietnam.
Gani para kay Zubiri, indi importasyon ang yabi diri kundi amo nga self sufficiency.
Samtang, suno kay Zubiri nag-abiso ini kay President Bongbong Marcos nga mag-concentrate sa prudoksyon sang bugas.
Iya luyag nga I-assign ang mga regional directors partikular na sa Rice Producing Zone sa Pilipinas nga I-monitor ang pagtanum tubtob sa pag-harvest.
Dugang pa niya, dapat nga mahatagan sang binhi, abuno kag mechanical eqquipment ang mga mangunguma nga sa pagpati sini magasaka ang rice production.
