Nagpangayo sang mabakod nga rason kag argumento si Senate President Juan Miguel Zubiri sa mga nagapamatok sa pagtukod sa Negros Island Region.
Ini ang aprobado na sa 3 rd kag final reading sa senado kag suno kay Zubiri, may yara sang grupo nga nagapamatok diri nga ang ini nga hagna mangin isa ka layi.
Pamangkot sini kun ginakabalaka bala nga iga-dominar sang Negros Occidental ang regional offices nga nakita sini nga indi man matabo bangod may yara man sang departemento I-locate sa Negros Occidental kasubong man sa Negros Oriental.
Pahayag ni Zubiri, bilang negrosanon nga senador, panindugan sini nga matukod ang NIR.
Gani nagapangayo ini sang mabakod nga argumento batok sa Negros Island Region, kay iya ini hatagan man sang mabakod nga argumento nga nagapabor diri.
