Ginpahayag ni Senate President Francis Escudero nga insakto si Senate Deputy Minority Leader Risa Hontiveros sa paghangkat kay former President Rodrigo Duterte nga untaton ang pagpamuyayaw sa Senate Blue Ribbon Subcommittee natuhoy sa war on drugs sang Lunes.
Ang mga Senador, nga nagpromisa nga hatagan sang courtesy si Duterte bilang isa ka anay Presidente, ang naghatag sa iya sang leeway sng Lunes nga makaistorya natuhoy sa maduguon sini nga anti-narcotics campaign.
Si Duterte ang naghimo sang side comments kag kun kaisa nagpamuyayaw kag ginpahayag nga amu lamang ini ang iya kinaiya.
Suno kay Escudero, maayo ang punto ni Senator Risa nga OA nag pagpamuyayaw kag wala sang lugar sa Senado.
Sa iya pagdepensa, ginpahayag ni Duterte nga ginalaragway lamang sini ang mga nagliligad nila nga mga pag-istoryahanay kag nakapamuyayaw lamang ini samtang ginarecount ang mga insidente apang suno kay Escudero, indi ini ang kaso bangud may pila ka mga instansya nga ang anay presidente ang hungod nga nagbuya sang indi maayo nga mga tinaga.
