-- ADVERTISEMENT --
Ginpahayag ni Senate President Pro Tempore Sherwin Gatchalian nga bukas ini sa posibilidad sang pagpakighinun-anon kaupod ang bahin ni Senate President Alan Peter Cayetano agud matalakay ang nagapadayon nga tensyon ilabi na sa liderato sang Senado.
Sa isa ka interview, ginpahayag ni Gatchalian nga handa ini nga makig-istorya sa tanan nga Senador, kalakip ang mga yara sa minorya kag mangin ang kampo ni Cayetano.
Ginalauman sini nga mapadayon ang komunikasyon sa tunga sang mga senador bangud isa gihapon sila ka institusyon.
Madumduman nga gin-imbitar ni Cayetano si Gatchalian sa iya nga facebook live, para makighinun-anon sa diin ginpahayag sini nga may solusyon siya sa isyu kun sin-o gid ang lehitimo nga Senate President.
