Nagpanindugan si Senate President Tito Sotto nga indi ini magpasugot nga arestuhon si Senador Bato dela Rosa sa sulod sang Senado.
Ini ang nangin pahayag niya matapos ginoahayg ni Ombudsman Boying Remulla nga nag-issue sang warrant of arrest ang International Criminal Court (ICC) batok kay Sen. Bato dela Rosa.
Suno kay Sotto nga ini bilang pagsunod sa institutional courtesy.
Una na nga ginpahayag ni Senador Bato nga wala sia nahadlok nga mag-atubang sa ICC apang ginbuyagyag nga ginapanumdom niya nga magpanago sa sulod sang Senado agud indi sia madakpan.
Samtang gin-athag sang Department of Foreign Affairs (DFA) nga wala pa sila sang may nabaton nga arrest warrant ukon ano man nga dokumento nagikan sa International Criminal Court (ICC).
Ini ang kasunod sa reports nga may yara na sang gin-issue ang ICC nga warrant of arrest batok kay Sen. Ronald “Bato” Dela Rosa.
Sa isa ka statement, ginpahayag sang DFA nga bisan ang Philippine Embassy sa The Hague ang wala man sang may nabaton nga impormasyon halin sa ICC.
Dugang pa diri nga wala man sang nagagwa nga kaangay nga dokumento sa ICC online portal.
Gintumod sang DFA nga sa idalom sang Rome Statute, ang ano man nga arrest warrant nga gina-issue sang ICC ang mahimo ipadala direkta sa law enforcement agencies sang natungdan nga pungsod.
