Ginalauman ni Senate President Sherwin Gatchalian nga magatambong ang tanan nga Senador, kalakip ang mga miyembro sang minorya, sa pag-umpisa sang impeachment trial ni Vice President Sara Duterte subong nga adlaw, bangud kabahin ini sang ila nga katungdanan bilang mga senator-judges.
Suno kay Gatchalian, importante nga personal nga mabatian sang kada senador ang mga ipakita nga ebidensya kag argumento sang magkatuhay nga kampo.
Dugang pa, mahimo man magpamangkot ang mga senador sa mga testigo, kasubong man sa prosecution kag defense panels, samtang ginapatigayon ang trial.
Apang, ginpaathag ni Gatchalian nga indi dapat himuon nga forum ang impeachment court para talakayon ang iban pa nga isyu, kaangay sa legal nga isyu natuhoy sa pag-elihir sa iya bilang Senate President.
Suno diri, ang topiko tuhoy sa liderato sang Senado ang dapat ginatalakay sa plenaryo bilang kabahin sang legislative functions sang Senado kag indi sa impeachment court.
