-- ADVERTISEMENT --
Ginpahayag ni Palace Press Officer Undersecretary Claire Castro sa ginpatigayon nga press conference nga si Senate sergeant-at-arms kag retired Police Major General Mao Aplasca ang naghimo sang “warning shot” sa Senate shooting incident kagab-i.
Gintindugan sini nga wala sang assault nga ginhimo ang National Bureau of Investigation (NBI) agents.
Suno kay Castro, sang magpakilala ang NBI agents, gilayon nga nagpalupok sang warning shots si Apasca, gani napilitan man ang NBI agent nga magbalos sa pagpalupok sang warning shot.
Madumduman nga kagab-i, nagtuga sang kinagamo ang pagkabati sang asod-asod nga lupok sang armas-luthang sa 2nd floor sang Senado.
