Nagpanawagan si Sen. Benigno “Bam” Aquino sang madalom nga imbestigasyon sa paggasto sang Department of Public Works and Highways sa P360 billion nga pondo para sa flood control subong nga tuig, sa tunga sang padayon nga problema sang pagbaha sa madamo nga bahin sang pungsod.
Sa ginfile nga resolusyon, ginhangkat ni Aquino ang mga komite sang Senado nga magpatigayon sang imbestigasyon agud matumod kun epektibo ang mga proyekto sang DPWH kag kun nagakadto sa insakto nga lugar ang pondo.
Suno sa mamalidhan, humalin 2009 tubtob 2024, nagdangat na sa P1.47 trillion ang kabug-usan nga balor sang flood control budget apang nagapabilin nga vulnerable sa pagbaha ang madamo nga mga komunidad.
Magluwas sa resolusyon, nagtuhaw man ang mga reports sang ginaalegar peke nga flood control projects nga ginpaboran ang pili nga mga contractors.
