Senator Bato dela Rosa, indi luyag nga “makidnap” – Senator Robin Padilla

Ginpakigbato ni Senator Robinhood Padilla ang kaupod nga senador nga si Senator Ronald “Bato” Dela Rosa matapos ginpamangkot sang media natuhoy sa ginaalegar pagtago sini apisar sa arrest warrant sang International Criminal Court (ICC).

Sa interview kay Padilla, ginpahayag sini nga indi luyag ni Bato nga “makidnap”, bilang sabat sa mga pamangkot kun ngaa nagatago ang senador.

Ini ang una nga public appearance ni Padilla humalin sang Huwebes, sang ginreport nga sila ang upoday ni Bato pila ka oras matapos ang insidente sang pagluthanganay sa sulod sang Senado.

Wala naman ginkumpirmar ni Padilla kun siya mismo ang nagmaneho ukon nagdul-ong kay dela Rosa paggwa sa Senado apang suno diri, sabton niya ang tanan nga pamangkot sa nagakaigo nga imbestigasyon.

Dugang pa, base sa pahayag ni Senate President Alan Peter Cayetano, wala sang existing nga warrant of arrest batok kay Dela Rosa gani wala sang rason para hambalon nga may krimen ini nga ginapalagyohan.

Ginpanginwala man sang Senador ang mga report nga nakita sila nga upoday ni dela Rosa sa Ninoy Aquino International Airport ukon ang ginaalegar nagsakay sila sa yate.