Ginpahayag ni Senator Ronald “Bato” Dela Rosa nga magalunsyar ini sang isa ka motu proprio investigation natuhoy sa war on drugs kaupod kay former President Rodrigo Duterte bilang isa sa ila mga resource persons.
Si Dela Rosa, nga amu ang chairperson sang Senate committee on public order and dangerous drugs, ang nagpahayag sini matapos ginmensyunar ni Senator Bong Go nga willing ini nga magfile sang isa ka resolusyon agud maglunsyar sang isa ka imbestigasyon natuhoy sa nasambit nga butang parallel sa imbestigasyon sang House quad committee.
Suno sa iya, igapatawag nila kun sanday sin-o nga mga miyembro sang Gabinete ni former President Rodrigo Duterte ang pwede mangin resource person kasubong man pati mismo ang Presidente.
Suno kay Dela Rosa, nga isa ka anay hepe sang Philippine National Police ang nagpahayag nga wala pa sini napahibalo si Duterte natuhoy sa proposed Senate investigation apang kampante ini nga maga-tambong diri ang anay Presidente.
